Nú á dögunum lauk SR Vélaverkstæði á Siglufirði við vandaða smíði á færanlegum vinnupalli sem hentar vel í krefjandi vinnuaðstæður.
Pallurinn er bæði traustur og endingargóður, auk þess sem hann er hannaður þannig að auðvelt er að færa hann til eftir þörfum.
Á sama tíma var klárað glæsilegt handrið með gleri í heimahúsi. Útkoman er stílhrein og örugg lausn sem fellur vel að umhverfinu.
SR Vélaverkstæði hefur löngum verið traustur aðili í þjónustu og nýsmíði á Siglufirði. Auk vélaverkstæðisins rekur það byggingavöruverslunina SR Byggingarvörur.
Með 90 ára sögu að baki heldur SR áfram að sameina hefðir og nýsköpun í faglegum lausnum fyrir viðskiptavini sína.
Frekari upplýsingar má finna á heimasíðu fyrirtækisins: srv.is
Myndir: facebook / SR-Vélaverkstæði
