Svifryksmælir við Strandgötu sýndi sæmileg loftgæði kl. 9 að morgni en líklegt er að staðan eigi eftir að versna þegar líður á daginn og fari yfir heilsuverndarmörk. Unnið er að rykbindingu en þó rétt að vara viðkvæma við svifrykinu.
Ef ástandið versnar þá er hætt við að viðkvæmir einstaklingar og einstaklingar með astma eða aðra undirliggjandi lungna- og/eða hjartasjúkdóma geti fundið fyrir einkennum vegna loftmengunar.
Verði loftmengun mikil ættu einstaklingar með alvarlega hjarta- og/eða lungasjúkdóma að forðast að vera úti þar sem hætta er á mikilli mengun. Forðast ætti að vinna erfiðisvinnu eða að stunda líkamsrækt utandyra þar sem loftmengun er mikil.
Hægt er að fylgjast með stöðu mála á vef Umhverfis- og orkustofnunar.
Mynd/Akureyrarbær
