Matvælastofnun varar við neyslu á einni framleiðslulotu af Red smoothie blöndu frá Gestus vegna þess að varnarefni eru yfir mörkum í bláberjum. Krónan hefur í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness innkallað vöruna.
Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um matvæli og fóður.
Upplýsingar um vöru sem innköllunin einskorðast við:
- Vörumerki: Gestus
- Vöruheiti: Red smoothie
- Innflytjandi: Krónan, Dalvegi 10-14, 201 Kópavogur
- Best fyrir: 02.11.2025
- Nettómagn: 450 g
- Framleiðsluland: Pólland
- Framleiðandi: CROP´S FRUIT N.V.
- Geymsluskilyrði: Frystivara
- Dreifing: Krónan og KS
Krónan bendir viðskiptavinum sem hafa keypt vöruna í verslunum Krónunnar á að skila þeim í viðkomandi verslun gegn fullri endurgreiðslu.
