Það er sjaldan lognmolla þegar Siglfirðingurinn Sigurjón Pálsson mætir í matvörubúðina, enda maðurinn þekktur fyrir bæði skap og sköpunargáfu í eldhúsinu. Hrólfur Siglfirðingur Baldursson, sem er með eindæmum léttur í lund, rak á dögunum augun í Sigurjón á ferð um búðargólfið með óvenjulega innihaldsríka körfu. Ekki hvaða körfu sem er heldur troðfulla af kálhausum. Alls þrettán talsins.
Hrólfur, sem leit á þetta sem ágætt tækifæri til skemmtilegs spjalls, ákvað að spyrja hvort Sigurjón hygðist baka piparkökur fyrir jólin. Það var skemmtileg hugmynd í sjálfu sér, en svarið kom á ótrúlegum hraða og af mikilli innlifun. Sigurjón úðaði yfir Hrólf sinn einstökum orðaflaumi sem má lýsa sem blöndu af beinskeyttum skammaryrðum, litríkri listsköpun og ákveðinni ljóðrænni dýrð. Hrólfur lýsir því að hafa upplifað sig sem hvítklórþveginn engil þegar yfir lauk.
Þrátt fyrir frammistöðuna í orðavali var tilgangurinn með kálhausunum í raun mjög saklaus. Sigurjón var einfaldlega að búa sig undir jól og ætlaði að henda sér í rauðkálsgerð, enda margir sem kunna að meta þá góðu jólahefð. Auk þess er hann mikill áhugamaður um matargerð og hefur uppskriftir á valdi sínu sem margir myndu sverja við í aðventunni.
Hrólfur bætir við að það sé alltaf jafn líflegt að hitta Sigurjón. Ekki endilega rólegt. Ekki helst ævintýralaust. En alltaf gaman. Það sé óhjákvæmilegt að hitta á hann án þess að einhverjar gullperlur falla, hvort sem það eru gullhamrar eða fróðleiksmolar dagsins.
Mynd með frásögninni sýnir Sigurjón hægra megin ef þú ert fyrir framan tölvuskjáinn. En ef þú lest fréttina fyrir aftan tölvuna. Já, þá er hann vinstra megin.
Þessa skemmtilegu frásögn, sem er að mestu leyti lygasaga en engu að síður ákaflega skemmtileg, skrifaði Hrólfur á Facebook hjá sér og er hún birt hér með góðfúslegu leyfi hans og Sigurjóns.
Mynd/ Hrólfur Siglfirðingur Baldursson
