Tónlistarmaðurinn Eyþór Alexander Hallsson og hljómsveit hans Big Band Eyþórs hafa sent frá sér nýjan singúl sem ber nafnið LOOK.
Big Band Eyþórs var stofnað fyrr á árinu þegar Eyþór setti saman hóp af fremstu ungu tónlistarmönnum landsins til að flytja eigið efni á Músíktilraunum 2025, þar sem sveitin hlaut 3. sæti og tvær viðurkenningar frá hljómborðs- og trommuleikara keppninnar.
Nýja lagið LOOK er fönk- og djasslitað popplag sem hvetur fólk til að opna augun, sjá heiminn í nýju ljósi og stíga út fyrir þægindarammann.
„Þá koma tækifærin,“ segir Eyþór, sem lýsir laginu sem orkumikilli og jákvæðri sprengju með skýran boðskap um hugrekki og nýjar byrjunir.
Söngvari lagsins er Heimir Steinn, betur þekktur undir listamannsnafninu HomeStone, og á bassa leikur enginn annar en Jóhann Ásmundsson úr Mezzoforte.
Lagið hefur verið lengi í vinnslu og fangar þá gleði og spilagleði sem einkenna tónlist Eyþórs og hans bandfélaga.
Lag og texti: Eyþór Alexander Hallsson
Lagið er fáanlegt á öllum helstu streymisveitum og komið í spilun á FM Trölla – fyrir alla sem elska góðan fönk og líflega hljómsveitartónlist.
