Unglingadeildin SmáDjarfi stendur fyrir árlegri fjáröflun þriðjudaginn 2. desember þegar krakkarnir ganga í hús á Siglufirði og Ólafsfirði. Markmiðið er að safna fyrir áframhaldandi starfi deildarinnar og um leið styrkja eldvarnir á heimilum í bæjarfélaginu.
Íbúar fá tækifæri til að kaupa nauðsynleg öryggistæki sem unglingarnir bjóða til sölu. Þar má nefna reykskynjara, ný batterí og eldvarnateppi sem nýtast í eldhúsum og bílskúrum og geta skipt sköpum þegar á reynir.
Svona fjáraflanir halda starfinu gangandi og gefa unglingunum tækifæri til að taka þátt í verkefnum sem efla bæði samvinnu og ábyrgð. Forsvarsmenn SmáDjarfa þakka íbúum góðan stuðning og hvetja alla til að taka vel á móti unglingunum.
Tekið verður við bæði posa og seðlum þannig að sem flestum sé gert auðvelt að leggja sitt af mörkum.
Mynd: Facebook / Unglingadeildin Smástrákar
