Álfasala SÁÁ fer fram þessa dagana og hefur verið mikilvægasta fjáröflunarleið samtakanna í 30 ár. Fjármunir sem safnast eru notaðir til þess að greiða meðferð fyrir ungt fólk og tryggja að hægt sé að bjóða því bestu fáanlega þjónustu.

Peningarnir fara líka í að borga fyrir sálfræðiþjónustu sem SÁÁ veitir börnum 8-18 ára sem eiga foreldra með fíknsjúkdóm. Um 1.300 börn hafa þegar fengið slíka þjónustu hjá SÁÁ.

SÁÁ rekur sjúkrahúsið Vog í Reykjavík og meðferðarstöðina Vík á Kjalarnesi. Einnig reka samtökin áfangaheimilið Vin og göngudeildir í Reykjavík og á Akureyri.

Frá upphafi hafa tæplega 26 þúsund einstaklingar komið í meðferð til SÁÁ. Árið 2018 voru innlagnir á Vog 2.275. Konur voru 33% og karlar 67%.

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.