Andans truntur tala til dæmis um vinsælar hljómplötur. Mynd fyrir athygli.
Enn og aftur æða Andans truntur út á öldur ljósvakans, og enn og aftur stunda þær blekkingar og almennt svindl og svínarí með því að taka upp þáttinn fyrirfram. Má með sanni segja að þátturinn Andans truntur sé al-skakkasti beini útvarpsþáttur veraldar, enda hefur það oftar en einu sinni komið fram að þetta er ónýtur útvarpsþáttur.
Margt ber á góma og trunturnar halda meðal annars áfram að rifja upp minningar úr æsku, þegar lífið kom í póstkröfu að sunnan. Plötur vóru pantaðar úr Fálkanum og svokallaðir fermingarpedalar (gítareffektar til að trampa á) úr hljóðfæraverslunum.
Gos og hraun koma við sögu (en ekki hvað) og örlag þáttarins, sem er í höndum Jóns Þórs að þessu sinni, fjallar um það efni.
Andans truntur: með puttann á púlsinum.
FM Trölli næst á FM 103.7 á Tröllaskaga, í Skagafirði, á Hvammstanga og nágrenni og auðvitað um allan heim hér á vefnum trolli.is
Á vefsíðu FM Trölla er hægt að hlusta á upptökur af öllum þáttum sem eru á dagskrá stöðvarinnar um þessar mundir.
Hægt er að hlusta á þáttinn út um allan heim með því að smella á hlusta á síðunni eða hér: Hlusta
Minnum sjómenn á hafi úti og aðra með takmörkuð netsambönd á skip.trolli.is
