Beikon- og cheddarvöfflur

2 bollar hveiti
2 tsk lyftiduft
1 tsk matarsódi
½ tsk salt
nýmalaður pipar
1 bolli rifinn cheddar ostur
½ bolli steikt beikonkurl
2 stór egg
1 ½ bolli mjólk
2 msk grænmetisolía (vegetable oil)
hlynsíróp/pönnukökusíróp til að bera fram með vöfflunum

Hitið vöfflujárn. Hrærið saman hveiti, lyftidufti, matarsóda og salti. Setjið ost og beikon saman við og blandið vel.

Hrærið saman í annarri skál eggjum, mjólk og olíu. Setjið þurrefnin saman við og hrærið þar til allt hefur blandast. Passið að ofhræra ekki deigið.

Setjið feiti á heitt vöfflujárnið. Setjið um ½ bolla af deigi á vöfflujárnið og bakið í 3-5 mínútur eða þar til vafflan er gyllt á litinn og osturinn er bráðnaður. Endurtakið þar til deigið er búið. Berið vöfflurnar fram heitar með hlynsírópi.