Hlynur Freyr Stefánsson er 14 ára pool-spilari sem á ættir að rekja til Siglufjarðar.
Móðir hans er Eygló J Guðjónsdóttir og móður amma hans er Aðalbjörg Skarphéðinsdóttir (Abba Skarp) og móður afi Guðjón Björnsson (Gauji Björns), faðir hans er Stefán Freyr Guðmundsson, Hlynur Freyr á tvö yngri systkini, þau Bríeti og Frosta Frey.
Hlynur Freyr er nú þegar orðinn besti pool-spilari landsins, varð þrefaldur Íslandsmeistari á nýafstöðnu tímabili og Stigameistari (sem er Deildakeppni tímabilsins).
Pool skiptist í þrjár aðalgreinar, 8-ball, 9-ball og 10-ball. 8-ball er líklega þekktust meðal almennings en þar er “áttan” eða svarta kúlan lykilkúlan eftir að keppendur hafa sett niður sinn helming af hinum kúlunum.
Hlynur hefur verið heillaður af pool-i síðan hann kynntist greininni fyrst hjá frístundakennaranum sínum í Stokkhólmi þegar hann var næstum 9 ára. Hann hefur æft af kappi frá fyrsta degi, fyrst í Stokkhólmi í frábæru unglingastarfi leiddu af Daniel Silvennoinen og síðar á Íslandi hjá Alan Trigg sem er heimsþekktur snóker og pool-þjálfari og fyrrum atvinnumaður í snóker. Alan var einmitt helsti andstæðingur Hlyns á yfirstöðnu tímabili.
Hlynur er meðal efnilegustu unglinga Evrópu í sínum aldursflokki og náði t.a.m. í átta manna úrslit á síðasta Evrópumóti U-17 ára – hann á enn tvö ár eftir í þessum flokki. Hann á sér skýrt markmið um að verða atvinnumaður í pool-i, fyrstur Íslendinga. Það krefst mikilla ferðalaga og keppni á erlendri grundu, til dæmis mun hann dvelja allan júlímánuð í Slóveníu þar sem hann keppir á Evrópumóti fullorðinna, Evrópumóti U-17 ára og á EuroTour mótaröðinni.
Hann leitar nú að styrktaraðilum til að geta látið draum sinn rætast. Þau sem vilja styrkja Hlyn geta lagt inn á styrktarreikninginn:
0370-22-060732,
Kennitala: 141277-4809
