Í gær kom saman hópur karla sem ólust upp í brekkunni á Siglufirði hér á árum áður.
Hittingurinn fór fram heima hjá Gunnari Trausta sem ólst upp að Suðurgötu 26 á Siglufirði.
Höfðu sumir þátttakendur ekki hist í áratugi. Tilefnið var einfalt, að rifja upp gömul kynni og njóta samveru.
Að sögn Leós Ólasonar var þetta skemmtileg samkoma og mikið skeggrætt, en kannski ekki allt eftir hafandi eða þannig.
Á mynd sem tekin var við þetta tækifæri eru eftirfarandi einstaklingar, talið frá vinstri:
- Ragnar Páll Einarsson, sem ólst upp á Hótel Siglufjörður, sem stóð í túninu fyrir neðan kirkjuna.
- Kjartan Stefánsson (Stefáns Friðbjarnar), sem bjó um tíma á Hverfisgötunni.
- Þorsteinn Haraldsson (Steini Kára), sem átti heima að Hávegi 12.
- Jóhann Skarphéðinsson (Lillu og Skarpa), sem bjó að Hólum við Lindargötu.
- Gunnar Trausti (Gunni Binnu), gestgjafi, Suðurgötu 26.
- Skafti Jónsson (Jóns Skafta).
- Þórhallur Jóhannesson (Brói), sem átti heima að Hávegi 12.
- Þórður Axel Ragnarsson (Erlu og Ragga Sveins), Hverfisgötu 8.
- Leó R. Ólason, sem ritaði þennan texta, frá Hverfisgötu 11.
- Guðbjörn Haraldsson, sem ólst að miklu leyti upp að Suðurgötu 28 í húsi sem kallað var Þönglaskáli.
- Einar Pálsson (Einar Ástu), sem bjó fram að unglingsaldri að Hávegi 3.
Sjá heimildasíðu Steingríms Kristinssonar: HÉR
Mynd/Kristín Þ. H. Helgadóttir
