Guðmundur Jón Albertsson, systursonur Hallfríðar Nönnu Franklínsdóttur á Siglufirði, greindi frá andláti hennar á Facebook fyrir skömmu. Þar kemur fram að Nanna, móðursystir Guðmundar, hafi látist á Heilbrigðisstofnun Norðurlands á Siglufirði í morgun.
Eins og Trölli.is greindi frá þann 6. febrúar var Nanna elst Íslendinga eftir að Dóra Ólafsdóttir, sem var elst Íslendinga lést á hjúkrunarheimilinu Skjóli í Reykjavík þann 4. febrúar 2022 á 110. aldursári.
Hallfríður Nanna Franklínsdóttir var því elst Íslendinga. Hún fæddist 12. maí 1916 að Litla-Fjarðarhorni í Kollafirði í Strandasýslu og var á 106. aldursári.
Nanna Franklínsdóttir á Siglufirði elst Íslendinga
