Fasteignavelta í maí 2022

Þjóðskrá hefur tekið saman upplýsingar um veltu á fasteignamarkaði eftir landshlutum í síðasta mánuði samkvæmt þinglýstum gögnum. Fjöldi fasteigna sem gekk kaupum og sölum á landinu öllu var  1.144 og var upphæð viðskiptanna um 76,9 milljarðar króna þegar miðað er við útgáfudagsetningu.

Þegar maí 2022 er borinn saman við apríl 2022 fjölgaði kaupsamningum um 28,3% og velta hækkaði um 14,6%. Á höfuðborgarsvæðinu fjölgaði samningum um 29% á milli mánaða en velta hækkaði um 17,2%. 

	Alls	Sérbýli	Fjölbýli	Atvinnueignir	Sumarhús	Annað
Heildarvelta í síðasta mánuði	76.935	19.122	42.447	14.161	911	297
Þar af höfuðborgarsvæðið	56.506	10.889	33.454	12.059	65	39

	Alls	Sérbýli	Fjölbýli	Atvinnueignir	Sumarhús	Annað
Kaupsamningar í síðasta mánuði	1144	235	751	117	32	9
Þar af höfuðborgarsvæðið	667	76	524	63	2	2

Hægt er að sjá veltu á fasteignamarkaði frá júní 2006 til dagsins í dag í skjali sem Þjóðskrá gefur út þar sem gögnunum er skipt í flokka eftir landshlutum og tegund húsnæðis. Fréttin er birt með þeim fyrirvara að ekki er búið að skanna og skrá alla samninga sem heyra til síðasta mánaðar, tölurnar verða því uppfærðar. Einnig er hægt að nálgast upplýsingar í fasteignagátt Þjóðskrár.