Nemendur í útivistaráfanga annarinnar í Menntaskólanum á Tröllaskaga skelltu sér í sundlaugina á Siglufirði í vikunni.

Ekki var tilgangurinn þó að æfa hin hefðbundnu sundtök, eða slaka á í heita pottinum, heldur að kynnast og prófa köfun í fullum skrúða.

Gestur Hansson, annar kennarinn í áfanganum, er öllum hnútum kunnugur þegar kemur að köfun og fór hann yfir búnað og ýmis öryggisatriði sem nauðsynlegt er að kunna skil á áður en kíkt er undir yfirborðið.

Köfun er skemmtilegt sport sem nemendum fannst spennandi að kynnast af eigin raun.

Myndir

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.