Kjötbollur í möffinsformi (uppskriftin gefur um 10 bollur)
- um 500 g nautahakk (1 bakki)
- ½ dl haframjöl
- ½ dl parmesan ostur (vel þjappað)
- 1 egg
- ½ dl tómatsósa
- ½ tsk hvítlaukskrydd
- salt og pipar
- 1 tsk Worcestershire sósa
- 1 ½ – 2 dl af því grænmeti sem til er (t.d. paprika, rauðlaukur og sveppir, eða brokkólí og rifnar gulrætur…. allt gengur!)
Hitið ofninn í 180°. Blandið öllum hráefnunum saman í skál (ég nota k-ið á hrærivélinni, en það er líka hægt að nota bara hendurnar eða sleif). Þjappið blöndunni í möffinsform (ég spreyja það áður með PAM). Setjið smá tómatsósu yfir og bakið í 30-35 mínútur.
Uppskrift: Ljúfmeti og lekkerheit
