AFS á Íslandi leitar nú að fósturfjölskyldum í Ólafsfirði fyrir erlenda skiptinema sem koma til landsins síðari hluta ágústmánaðar. Markmiðið er að koma nemunum fyrir víðs vegar um landið, og því er sérstaklega leitað til íbúa Ólafsfjarðar í þeirri von að finna fjölskyldur sem vilja taka þátt í þessu alþjóðlega verkefni.
Það að hýsa skiptinema gefur fjölskyldum tækifæri til að kynnast nýrri menningu og deila jafnframt eigin siðum og gildum. Börn og aðrir fjölskyldumeðlimir fá tækifæri til að kynna íslenska menningu fyrir nýjum fjölskyldumeðlim, auk þess sem samverustundir, líkt og að útbúa sameiginlegar máltíðir, geta orðið að skemmtilegu ævintýri.
Hægt er að hafa samband við AFS á Íslandi í gegnum skilaboð á Facebook eða með því að senda tölvupóst á netfangið info-isl@afs.org fyrir þá sem hafa áhuga á að skoða málið nánar.
Á vefsíðu AFS má nálgast kynningar á þeim skiptinemum sem væntanlegir eru til landsins í ágúst: Sjá kynningar hér. Einnig má þar finna allar nánari upplýsingar um umsóknarferlið fyrir áhugasama fjölskyldur: Nánari upplýsingar hér.
AFS á Íslandi hvetur íbúa Ólafsfjarðar til að kynna sér málið og taka þátt í því að veita erlendum skiptinemum hlýlegt heimili og einstaka reynslu.
