Slökkvilið Fjallabyggðar heimsækir elstu börnin í leikskólunum í sveitarfélaginu árlega til þess að fræða börnin um eldvarnir. Tilgangurinn er einnig að tryggja traustar eldvarnir í leikskólunum sjálfum í samvinnu við starfsfólk.
Slökkviliðið heimsótti börnin snemma í haust á síðasta ári og í allan vetur hafa þau reglulega farið í gegnum leikskólann sinn og athugað hvort eldvarnir séu í lagi.
Í gær var svo komið að útskrift og komu börnin á slökkvistöð þar sem þau fengu viðurkenningarskjal fyrir aðstoðina í vetur og urðu þar með aðstoðarmenn Slökkviliðs Fjallabyggðar.
Sem betur fer mættu allir í pollagalla enda var vatnsveggurinn mjög vinsæll í heimsókninni.
![](https://trolli.is/wp-content/uploads/2022/05/282666323_337570755114785_181652469864470791_n.jpeg)
![](https://trolli.is/wp-content/uploads/2022/05/281499614_337570778448116_8514990063064866770_n.jpeg)
![](https://trolli.is/wp-content/uploads/2022/05/281373888_337570868448107_7344921571951469073_n.jpeg)
Heimild og myndir/Slökkvilið Fjallabyggðar