Nóg um að vera í Fjallabyggð laugardaginn 4. apríl

Það verður áfram líf og fjör á hátíðinni Páskar í Fjallabyggð og laugardagurinn 4. apríl verður þar engin undantekning. Dagskráin er fjölbreytt og ættu flestir að finna eitthvað við sitt hæfi, hvort sem áhuginn liggur í útivist, menningu, íþróttum eða skemmtun.

Dagurinn byrjar snemma en Aðalbakarí á Siglufirði verður opið frá klukkan 8 til 17. Fyrir þá sem vilja hreyfa sig og njóta útiveru verður páskaeggjaleit í Skógrækt Siglufjarðar á milli klukkan 10 og 12 á vegum Tennis- og badmintonfélagsins, þar sem allir eru hjartanlega velkomnir í leik og notalega stund í skóginum.

Skíðasvæðin í Skarðsdal og Ólafsfirði verða opin yfir daginn, í Skarðsdal frá klukkan 10 til 16 með lifandi tónlist og í Ólafsfirði frá klukkan 12 til 16. Íþróttamiðstöð Fjallabyggðar verður opin frá klukkan 10 til 22 á báðum stöðum með tónlist og stemningu allan daginn, auk þess sem lifandi tónlist verður á Siglufirði um kvöldið frá klukkan 20 til 21:30.

Menningar- og safnastarf verður einnig á sínum stað. Pálshús í Ólafsfirði verður opið frá klukkan 13 til 17 með sýningunni „Skíðaævintýri Ólafsfjarðar“. Þá verða Síldarminjasafn Íslands, Alþýðuhúsið á Siglufirði og Brimsalir í Ólafsfirði opin frá klukkan 14 til 17.

Veitingastaðir og kaffihús taka þátt í dagskránni. Síldarkaffi á Siglufirði verður opið frá klukkan 11 til 17 og Hvannadalir Lodge í Ólafsfirði frá klukkan 12 til miðnættis. Kaffi Rauðka verður opið frá klukkan 16 til 21 og þar fer fram tónlistarbingó Fanneyjar klukkan 21.

Um kvöldið verður áfram nóg um að vera. Hótel Siglunes og Veitingahúsið Höllin í Ólafsfirði verða opin frá klukkan 18 til 21 og Pizzabakarinn á Siglufirði frá klukkan 18 til 22. Þar verður einnig haldið trúbbakvöld frá klukkan 20:30 til 23:00.

Kvöldinu lýkur svo með tónlist og skemmtun á Segli 67 á Siglufirði þar sem Ingó Veðurguð stígur á svið klukkan 22:30.

Ljóst er að laugardagurinn í Fjallabyggð verður ekki síðri en aðrir páskadagar þegar kemur að fjölbreyttri dagskrá og góðri stemningu um alla byggð.