Ofnbökuð svínalund með rótargrænmeti – allt í einni skúffu!
- 1 svínalund
- 1/2 dl ólivuolía
- 2 msk sítrónusafi
- 1 hvítlauksrif
- 1 tsk timjan
- maldonsalt
- svartur pipar úr kvörn
- rótargrænmeti (gott að nota kartöflur og sætar kartöflur)
Marinerið svínalundina í ólivuolíu, sítrónusafa, pressuðum hvítlauk, timjan, salti og pipar. Látið liggja í 20 mínútur eða á meðan rótargrænmetið er undirbúið og ofninn hitaður. Hitið ofninn í 200°. Skerið rótargrænmetið í báta/bita og setjið í ofnskúffu, veltið því upp úr ólívuolíu og kryddið eftir smekk (gott að nota maldon salt, pipar og timjan). Setjið inn í ofn í 15 mínútur.
Á meðan er svínalundin brúnuð á pönnu við háan hita, á öllum hliðum. Bætið svínalundinni í ofnskúffuna og hellið því sem eftir var af marineringunni yfir og bakið áfram í 20 mínútur. Leyfið kjötinu að standa aðeins áður en það er skorið í sneiðar.
Uppskrift: Ljúfmeti og lekkerheit
