Matvælastofnun varar við neyslu á Himnesku Lífrænu hvítu tahini (250g) sem Aðföng flutti inn. Ólöglega varnarefnið etýlen oxíð greindist í sesamfræjum sem notuð voru við framleiðsluna. Fyrirtækið hefur hafið innköllun í samráði við Heilbrigðiseftirlit Reykjavíkur.
Matvælastofnun fékk upplýsingar um vöruna í gegnum evrópska viðvörunarkerfið RASFF um hættuleg matvæli og fóður á markaði og gerði heilbrigðiseftirlitinu viðvart.
Innköllunin á einungis við eftirfarandi framleiðslulotu:
- Vörumerki: Himneskt
- Vöruheiti: Lífrænt Hvítt Tahini
- Strikamerki: 5690350060028
- Nettómagn: 250g
- Best fyrir dagsetning: 31.03.2023
- Lotunúmer: L3320077
- Innflytjandi: Aðföng, Skútuvogi 7-9, 104 Reykjavík
- Dreifing: Bónus, Hagkaup og Kaupfélag Skagfirðinga
Viðskiptavinir sem keypt hafa ofangreinda vöru eru beðnir um að neyta hennar ekki og farga eða skila henni í versluninni þar sem hún var keypt gegn endurgreiðslu.
Ítarefni
- Fréttatilkynning Aðfanga
- Fréttatilkynning Heilbrigðiseftirlits Reykjavíkur
- Þessum upplýsingum átt þú rétt á – upplýsingaspjald Matvælastofnunar um merkingar matvæla
- Listi Matvælastofnunar yfir innkallanir
- Neytendavakt Matvælastofnunar á Facebook
