Portúgalskur saltfiskréttur og ávextir með hrákremi í eftirmat
- 600 g saltfiskur, soðinn og skorinn í bita (passið að hafa fiskinn ekki of saltan)
- 600 g kartöflur, soðnar og skornar í bita
- 1 laukur
- 2 hvítlauksrif
- 1 rauð paprika
- 100 g smjör
- 3 msk olía
- 1 stk Gull ostur, skorinn í bita
- 1 poki gratín ostur
- 1 askja kokteil tómatar
Byrjið á að sjóða fiskinn í einum potti og kartöflurnar í öðrum. Skerið fiskinn og kartöflurnar í bita og leggið til hliðar.
Hakkið lauk, papriku og hvítlauk. Bræðið smjör og olíu á pönnu og mýkið laukinn, paprikuna og hvítlaukinn.
Bætið fiskinum, kartöflunum og Gull ostinum saman við. Setjið blönduna í eldfast mót, stráið gratín ostinum yfir og að lokum kokteiltómötum sem hafa verið skornir til helminga. Bakið í 15 mínútur við 180°.
Hrákrem
- 3 eggjarauður
- 3 msk flórsykur
- 5 dl rjómi
Þeytið eggjarauður og flórsykur saman í skál. Þeytið rjómann í annari skál. Blandið eggjablöndunni varlega saman við rjómann. Berið fram með ferskum ávöxtum.
Uppskrift: Ljúfmeti og lekkerheit
