Pistlahöfundur brá sér nýlega á ótrúlega skemmtilega, litríka og fræðandi sýningu um fugla og þeirra fljúgandi furðuheima á Bohussýslu-safninu í Uddevalla á Vesturströnd Svíþjóðar.

Sýningin heitir einfaldlega: “VIÐ FUGLARNIR”

Fuglar skipta okkur manneskjur verulegu máli og við getur ekki að því gert að við dáumst að þeim og öfundum þá af því að geta flogið frjálsir um víða veröld. En margir fuglar eiga í vök að verjast vegna  loftslagsbreytinga, mengunar og ágengi manneskjunnar á náttúruna.
Sumir fuglar eins og t.d. Geirfuglar eru útdauðir og mörgum fuglategundum fækkar ört, en örfáum fjölgar líka í breyttu lífsumhverfi.

ATH. Hægt er að skoða myndirnar einar og sér og stækka með því að smella á hvaða mynd sem er og þá er hægt að fletta ljósmyndunum fram og til baka. En auðvitað er skemmtilegast að lesa myndaskýringartexta og aðrar sögur og útskýringar sem fylgja með.

REST IN PEACE, stendur yfir Geirfuglinum útdauða og á sömu mynd eru nokkrar fuglategundir sem manneskjunni hefur tekist að bjarga. Á miðjumyndinni er mörg dæmi um fugla sem hafa átt erfitt uppdráttar síðustu áratugina og á þriðju myndinni eru dæmi um fugla sem virðast dafna vel í loftslagsbreytingum nútímans.

Þessi sýning er einstaklega skemmtilega uppsett og hún hefur vakið mikla athygli. Þessa dagana eru haustleyfi í skólum og það var gaman að fylgjast með krökkum með snjallsímana sína við að lesa kóda á sýningarbásunum, en þannig geta þau heyrt fuglakvak og sögur um það sem þau voru að horfa á og fræðast um.

Það er einnig skemmtilegt frá því að segja að tveir aðalhönnuðir sýningarinnar eru sambýlisparið Sofie Henryson og Jan Uddén, en þau komu bæði til Siglufjarðar sumarið 2018, þegar Síldarminjasafnið í samvinnu við Bohusläns musseum setti upp sýninguna “På väg mot Island” úti á göngubryggjunni við safnið.

Bæði tvö er vel að sér í síldarsögu Norðurlanda, en Jan (Janne) er einnig frægur fuglaskoðari og náttúruverndarsinni. Þá daga sem þau dvöldust heima á Sigló fór Janne í fuglaskoðunarferðir með okkar ástkæra fuglavini, fræðimanni og guðsmanni, séra Sigurði Ægissyni.
Hann er enn að tala um þessa fuglaskoðunarferð, því þarna sá Janne fugla sem bara er hægt að sjá á Íslandinu góða.

Á leið til Íslands
Fuglagoggar af ýmsum stærðum og gerðum.

“VI FÅGLAR” Við fuglarnir!

Strax í upphafi kemur maður að skemmtilegum vegg þar sem hægt er að velja myndir og færa þær til á veggnum og lýsa þannig fyrir öðrum hverjir séu þínir uppáhaldsfuglar og jafnvel líka fugla sem fara í taugarnar á þér.

Fuglasýningin inniheldur ekki bara allskyns staðreynir um líf og tilveru fugla, heldur er einnig farið víða um völl á stórum myndvarpatjöldum varðandi sögusagnir og hjátrú manneskjunnar út um allan heim um fugla.

Sumir fuglar eru hjá okkur allt árið um kring, aðrir eru tækifærissinnar og ferðast stutt á milli árstíða og enn aðrir eru alvöru farfuglar og koma langt að í heimsókn til okkar.

HAFÖRN, SVANUR, FÁLKI, DÚFA SKARFUR, ORRI, LÓMUR, SVALA OG BLÁ-KRÁKA…

HAFÖRN.
  • “Kónga-ÖRN”
  • Svanur
  • Fálki
  • Hvít friðardúfa
  • Skarfur þurrkar vængina
  • ORRI
  • Lómur
  • Hlöðu-SVALA
  • Blá-KRÁKA

FELULITIR OG HITT OG ÞETTA…

Felulitir.
Plastdrasl og drauganet drepa ekki bara fiska, heldur fugla líka… í miklu magni.

VIÐ ERUM Í RAUNINNI ÖLL FUGLASKOÐARAR!

Ef þú horfir út um glugga heima á Sigló eru 99 % líkur á því að þú sjáir FUGL á flugi. Við dáumst oft að þeim úr fjarlægð, horfum á þá gegnum kíkir og myndavélarlinsur. Stundum vorkennum við þeim mikið á hörðum vetrardögum, gefum þeim mat í gogginn, en við höfum líka not af dún og eggjum. Við erum með heilmikið æðarvarp rétt við bæjardyrnar og votlendið fallega suðrá firði er dásamlegt friðland fyrir bæði fugla og manneskjusálir samtímis.

JÁ.
VIÐ FUGLARNIR ERUM YKKUR MANNESKJUM MIKILVÆGT AUGNAYNDI…

… OG ÞESSA HAUSTLEYFISVIKU ER HANN JANNE FUGLAVINUR OG AFAR OG ÖMMUR AÐ SMÍÐA FUGLAHÓLKA MEÐ SKÓLAKRÖKKUM…

Lengst inní safninu við bátaminjasafnshluta Bohusläns musseum er hann Janne Uddén ( í rauðum bol) fuglavinur og “museumpedagog” að kenna börnum að smíða skjólhús handa fuglum.

Sjá meira hér af munum safnsins gegnum stafræna heimsókn:
https://digitaltmuseum.se/owners/S-BM

Höfundur, ljósmyndari og myndvinnsla:
Jón Ólafur Björgvinsson
(Nonni Björgvins)

Greinar, Pistlar og fl. eftir sama höfund:

AUTHOR: JÓN ÓLAFUR BJÖRGVINSSON

148 Shares