Það var margt um manninn þegar að 10 ára menningarstarfi í Alþýðuhúsinu var fagnað um sl. helgi.
Aðalheiður Eysteinsdóttir, bæjarlistamaður Fjallabyggðar og eigandi Alþýðuhússins hefur einnig gefið út bók í tilefni af þessum 10 ára tímamótunum.
Aðalheiði fannst vel við hæfi að bjóða til vinnustaðasýningar í Kompunni þar sem sett eru upp verk unnin á ferðalögum sl. ár ásamt því að veita innsýn inn í vinnustofuna.
Þegar bæjarstjóri Fjallabyggðar Sigríður Ingvarsdóttir leit inn var að sjálfsögðu heitt á könnunni og borð svignuðu undan gómsætum veitingum sem Alla bauð upp á af sinni alkunnu gestrisni og gestir kunnu svo sannarlega vel að meta.
Daglega verður opið í anddyri Alþýðuhússins og Kompunni frá kl. 14:00-17:00 til 21. desember.
Myndir/Sigríður Ingvarsdóttir
