Appelsínu- og karrýkjúklingur
- 900 gr kjúklingabringur
- 1 laukur
- ca 2 tsk karrý
- sveppir
- lítil dós tómatpuré (70 gr)
- hýði af 1 appelsínu
- 1 kjúklingateningur
- 5 dl rjómi
- ca 2 msk rjómaostur
- salt og pipar
Skerið kjúklingabringurnar í bita, hakkið laukinn og sneiðið sveppina. Bræðið smjör á pönnu og steikið kjúklingabitana. Bætið sveppum, lauk og karrý á pönnuna og steikið áfram um stund.
Bætið rjóma, tómatpuré, rifnu appelsínuhýði, rjómaosti og kjúklingateningi á pönnuna. Látið sjóða um stund og smakkið til með salti og pipar.
Berið réttinn fram með hrísgrjónum, salati og kasjúhnetum sem er stráð yfir kjúklinginn.
Uppskrift: Ljúfmeti og lekkerheit
