BBQ-kjöthleifur
- ca 500 gr nautahakk (1 bakki)
- 1 franskbrauðssneið, mulin í matvinnsluvél
- 2 msk + 2 tsk worcestershire sósa
- 1 msk dijon sinnep eða annað sterkt sinnep
- 3/4 bolli bbq-sósa
- 2 msk hunang
- 1 tsk salt
- 1 tsk svartur pipar
Blandið saman í skál nautahakki, brauðmylsnu, 2 msk worcestershire sósu, sinnepi, 1/2 bolla af bbq-sósu, 1 msk hunang, salti og pipar. Blandið vel saman með höndunum. Mótið hleif og setjið á smurða ofnskúffu.
![](https://trolli.is/wp-content/uploads/2023/01/thridjud32-1024x682.webp)
Blandið saman 1/4 bolla af bbq-sósu, 1 msk hunangi og 2 tsk af worcestershire sósu. Smyrjið helmingnum af blöndunni yfir kjöthleifinn og geymið afganginn fyrir sósuna. Setjið kjöthleifinn í 175° heitan ofn í 45 mínútur.
![](https://trolli.is/wp-content/uploads/2023/01/thridjud22-1024x682.webp)
Setjið afganginn af bbq-blöndunni í pott ásamt rjóma (smakkið til hversu mikinn rjóma). Látið sjóða saman við vægan hita. Þegar kjöthleifurinn er tilbúinn er soðinu hellt í gegnum sigti og bætt í sósuna. Bætið ef til vill grænmetisteningi út í og meiri rjóma.
![](https://trolli.is/wp-content/uploads/2023/01/thridjud03-1024x682.webp)
Uppskrift: Ljúfmeti og lekkerheit