Björgunarskipið Sigurvin var kallað til aðstoðar vegna vélsleðaslyss í Þorgeirsfirði á föstudaginn. Auk áhafnar fór með skipinu sjúkraflutningamaður frá HSN Siglufirði.
Björgunarsveitar og sjúkraflutningamenn frá Eyjafirði voru einnig sendir landleiðina og þyrla Landhelgisgæslunnar var einnig boðuð á vettvang.
Siglingin austur tók um 40 mínútur og kom Sigurvin á slysstað um sama leiti og þyrla var að lenda á vettvangi. Skömmu áður höfðu björgunaraðilar komist landleiðina að slysstað og hlúðu að hinum slasaða.
Var fjarskiptabúnaður í Sigurvin notaður til að tengja fjarskipti milli þyrlusveitar og aðila á vettvangi en hinn slasaði var síðan fluttur með þyrlu á Sjúkrahúsið á Akureyri.
![](https://trolli.is/wp-content/uploads/2024/03/430306110_2657128227789378_7590446289478952076_n-1024x988.jpg)
![](https://trolli.is/wp-content/uploads/2024/03/432314762_2657128104456057_660983255726411369_n-1024x577.jpg)
Myndir/Björgunarsveitin Strákar