Landlæknisembættið hefur gefið út tíu heilræði á tímum COVID-19.

Eitt af því sem mælt er með, er að forðast að nota áfengi og tóbak til að slá á kvíða og áhyggjur. „Neysla áfengis og reykingar veikja ónæmiskerfið auk þess að hafa neikvæð áhrif á heilsu og vellíðan til lengri tíma,“ segir á vef Landlæknisembættisins.

Heilræðin tíu byggja á niðurstöðum rannsókna á því hvað er gagnlegt að gera til að hlúa að andlegri, líkamlegri og félagslegri vellíðan.

Heilræðin eru sérsniðin að því ástandi sem nú ríkir í samfélaginu:

Hlúum vel að okkur sjálfum og okkar nánustu

Verum þakklát fyrir það sem við höfum

Borðum hollan og góðan mat daglega

Hreyfum okkur rösklega á hverjum degi

Stuðlum að betri svefni með góðum svefnvenjum

Forðumst að nota áfengi eða tóbak sem bjargráð

Sýnum samfélagslega ábyrgð og fylgjum fyrirmælum

Höldum áfram að læra og komum hlutum í verk

Gefum af okkur – sýnum góðvild og samkennd

Njótum augnabliksins – hér og nú
 

Heilræðin er að finna á vef Landlæknisembættisins og eru þau á ensku og pólsku auk íslensku.

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.