Laugardaginn 14. apríl hélt Sólberg ÓF 1 til hafs á ný eftir nokkra daga í heimahöfn.

Á bryggjunni voru fjölskyldur sjómannanna að fylgja þeim til skips og eru kveðjustundirnar oft erfiðar. Þessi túr verður þó í styttra lagi, aðeins 19 dagar.

Kveðjustund

Sólberg ÓF kom fyrst til heimahafnar 19. maí 2017, þetta er hið glæsilegasta skip og er það tæpir 80 metrar að lengd, 15,4 metrar á breidd og alls 3.720 brúttótonn.

Skipið er í eigu Ramma hf. í Fjallabyggð og leysir af eldri togara, Mánaberg ÓF-42 og Sigurbjörgu ÓF-1.

Arnar Óli Jónsson á leið um borð

 

Sólberg ÓF er kvótahæsti togari landsins með um 9800 tonna þorskígildistonn. Reyndar er meiri kvóti á togaranum því búið er að millifæra á hann um 1600 tonn og alls er því Sólberg ÓF með um 11500 tonna kvóta.
Þessi kvóti kemur af tveimur skipum.  Mánabergi ÓF og Sigurbjörgu ÓF .

Trölli.is óskar skipsverjum góðrar veiði og farsællar heimkomu.

Texti: Kristín Sigurjónsdóttir
Myndir: Kristín Sigurjónsdóttir