Lögreglan á Norðurlandi vestra tilkynnti að um helgina hafi þeim verið að berast tilkynningar um grunsamlegar mannaferðir í umdæmi lögreglunnar á Norðurlandi vestra, í og við íbúðarhús sem og sveitabæi.
Minnir þetta talsvert á stöðuna sem upp kom hér fyrr á árinu þar sem óprúttnir aðilar fóru víða um í ýmis húskynni í þeim erindagjörðum að ná sér í verðmæti og voru flestir þeirra af erlendu bergi brotnir.
Tvær tilkynningar hafa borist þar sem brotist hefur verið inn í íbúðarhús og einhverju stolið.
Benda þeir almenningi á að vera á varðbergi og láta vita um grunsamlegar mannaferðir og ef um ökutæki er að ræða er afskaplega gott að skrá niður hjá sér skráningarnúmer þeirra.
Mynd: pixabay
