Ásgeir Frímannsson skipar 10. sæti á lista Sjálfstæðisflokksins í Fjallabyggð. Hann er 34 ára Ólafsfirðingur í sambúð með Elfu Sif Kristjánsdóttur, börn Kristján Ingi Elfuson 8 ára og Arney Ýr Ásgeirsdóttir 4 mánaða.
Ásgeir er útgerðarmaður og gerir út bátinn Blíðfara Óf-70.
Ásgeir er mikill áhugamaður um hvers konar útivist og eru hvers konar véldrifin farartæki í miklu uppáhaldi. Hann átti endurkomu inn á svið Snow Cross keppna í ár og stóð sig með mikilli prýði, því má með sanni segja að jaðaríþróttir skipi stóran sess hjá honum. Ásgeir er einnig virkur félagi og í stjórn Björgunarsveitarinnar Tinds.
Helstu áherslumál Ásgeirs eru:
Að efla heilsueflandi samfélag enn frekar.
Uppbygging á hverskonar íþróttaaðstöðu í sveitarfélaginu.
