Í gær, föstudaginn 12 janúar var mikill hátíðardagur er mönnuð lögregluvarðstofa var vígð við hátíðlega athöfn á Hvammstanga. Fjölmenni mætti og fagnaði við þetta frábæra tilefni.
Stöðvarstjóri á Hvammstanga er Guðrún Gróa Þorsteinsdóttir, varðstjóri.
Stöðin sannaði gildi sitt í dag, sem og aðra daga, þar sem stöðvarstjórinn þurfti í útkall vegna umferðarslyss nokkru áður en móttakan hófst.
Mönnun stöðvarinnar skiptir miklu máli hvað varðar bæði sýnileika löggæslu í Húnaþingi vestra sem og styttri viðbragðstíma.
Sjá nánar: Lögreglan á Norðurlandi vestra
Mynd/Lögreglan á Norðurlandi vestra
