Í ágúst s.l. voru dyr Listasafnsins á Akureyri opnaðar að nýju eftir stórfelldar endurbætur og stækkun á húsakynnum þess. Sýningarsalir voru áður fimm en eru nú tólf og að auki var nýtt kaffihús opnað á safninu.
Framkvæmdir við endurbæturnar hafa staðið yfir í rúmt ár og safnið að mestu verið lokað gestum og gangandi á þeim tíma.
![](https://trolli.is/wp-content/uploads/2018/09/gil-kaffihus-93-e1536704142250.jpg)
Framkvæmdir hafa staðið yfir í rúmt ár.
Sýningahald hefur engu að síður verið stöðugt þar sem aðalsýningarýmið færðist yfir í Ketilhúsið. Með endurbótunum voru byggingarnar tvær sameinaðar með tengibyggingu.
![Gil kaffihús](https://trolli.is/wp-content/uploads/2018/09/gil-kaffihus-91-768x432.jpg)
Gil kaffihús Akureyri
![](https://trolli.is/wp-content/uploads/2018/09/gil-kaffihus-768x512.jpg)
Glæsilegt kaffihús.
Gil Kaffihús er staðsett í tengibyggingu milli aðalbyggingu safnsins og Ketilshússins. Kaffihúsið býður upp á fjölbreyttan matseðil, súpur, nachos með ídýfum, girnilegar samlokur, gott úrval af kaffi, nýbakað croissant, alvöru hnallþórur svo fátt eitt sé nefnt.
![](https://trolli.is/wp-content/uploads/2018/09/Screen-Shot-2018-09-11-at-22.19.48-e1536704434368.png)
.
Kostnaður við endurbætur og stækkun Listasafnsins á Akureyri nemur um 700 milljónum króna.
Frétt: veitingageirinn.is / Smári Valtýr Sæbjörnsson – birt með leyfi höfundar
Myndir: facebook / Listasafnið á Akureyri og Gil kaffihús