Sköpun og verk er sýning sem Ásta Sigurfinnsdóttir kom á þegar hún hóf störf hjá Menningarhúsinu Tjarnarborg árið 2015.
Á morgun, laugardaginn 26. nóvember, sem er fyrsti vetrardagur, verður sýningin Sköpun og verk því í fimmta sinn.
Ásta lýsir þessu sjálf:
Tilgangur Sköpun og verk er að skyggnast inn í hvað íbúar Fjallabyggðar eru að gera í handverki, sköpun og félagsstörfum. Þegar ég fór að spyrjast fyrir og hafa augun opin fyrir hvað íbúar eru að gera kom mér satt best að segja á óvart hvað mikið er gert í félagsstarfi og hvað margt fólk er að hanna og skapa frábæra og fallega hluti.
Ég hef á þessum 5 árum heimsótt marga og fengið að njóta þess að líta augum fagurleg verk, en hef ekki enn náð að heimsækja og vera í sambandi við nema brot af skapandi einstaklingum í Fjallabyggð.
Sköpun og verk er vel sótt og hefur fengið mikla athygli. Þátttakendur eru 3 til 4 hverju sinni og er leitast við að þar af sé eitt félag sem kynnir starf sitt af þátttakendum.
Sköpun og verk 2019 verður fyrsta vetrardag 26. október frá kl. 13:00 til 17:00.
Þátttakendur í ár eru:
![](https://trolli.is/wp-content/uploads/2019/10/73009390_2369838643277446_3472676492712869888_o.jpg)
Edda Björk Jónsdóttir
Edda Björk Jónsdóttir.
Edda er ættuð úr Fljótunum og ólst upp í Kópavogi, hún flutti til Siglufjarðar sumarið 2015 og vinnur á Síldarminjasafninu. Eddu Björk er margt til lista lagt og í vöggugjöf fékk hún dásamlega fallega söngrödd og leggur stund á tónsmíðar í Listaháskólanum. Auk þess að vera með meðfædda tónlistarhæfileika þá leikur allt í höndum hennar og úr verður listilega fallegt handverk hvort sem er heklað, prjónað eða ofin ull.
![](https://trolli.is/wp-content/uploads/2019/10/72986208_2369911569936820_7393651153407311872_n.jpg)
Ólafur Stefánsson
Ólafur Stefánsson.
Ólafur flutti frá Reykjavík til Siglufjarðar 2015 og hóf störf sem fjármálastjóri hjá Primex. Ólafur lærði dúkristu í skóla í Belgíu og fikraði sig síðan áfram með leðursaum sem honum finnst heillandi viðfangsefni. Það er alltaf spennandi að sjá ný viðfangsefni hjá íbúum Fjallabyggðar og ýmislegt sem kemur á óvart og vekur forvitni hvað íbúar eru að fást við. Því er þátttaka Ólafs kær viðbót í sýninguna í ár.
![](https://trolli.is/wp-content/uploads/2019/10/72838775_2370280496566594_7256949916402974720_o.jpg)
Kiwanisklúbburinn Skjöldur í Fjallabyggð
Kiwanisklúbburinn Skjöldur í Fjallabyggð.
Kiwanisklúbburinn í Fjallabyggð hefur sannarlega lagt sitt af mörkum til að bæta mannlíf og samfélag í Fjallabyggð ásamt því að vinna að góðum málum á heims- og landsvísu innan Kiwanishreyfingarinnar. Í Fjallabyggð, okkar nær samfélagi, má nefna t.d. val á íþróttamanni ársins, árlegar grillveislur í skógræktinni fyrir eldri borgara, þrettándabrenna, komið fyrir hjartastuðtækjum um bæinn, gefið börnum í fyrsta bekk reiðhjólahjálma í áraraðir ásamt mörgu, mörgu öðru til gagns, fróðleiks og gamans.
![](https://trolli.is/wp-content/uploads/2019/10/73523549_2370728436521800_8802809350331564032_n.jpg)
Kamilla Ragnarsdóttir
Kamilla Ragnarsdóttir.
Kamilla útbýr sápur og baðsölt sem njóta mikilla vinsælda, skreytir kerti og er afskaplega fim og lipur með prjónana. Kamilla er ein af stofnendum Gallerí Uglu í Ólafsfirði og er mikil áhugamanneskja um handverk og listir.
Myndir inni í frétt: Menningarhúsið Tjarnarborg