Haustsýning nemenda Menntaskólans á Tröllaskaga er með óhefðbundnu sniði vegna aðstæðna í samfélaginu. Þar sem kennarar og nemendur í MTR hugsa bara í lausnum þá verður sýningin þetta árið í stafrænu formi. Hún var opnuð í morgun, laugardaginn 12. desember kl. 8:00.
Hér er slóð á sýninguna: https://www.mtr.is/syningar/haustsyning-2020
Best virkar að skoða hana í Google chrome vafranum. Í apple tölvum þarf að nota Safari vafrann, í símum og spjaldtölvum þarf að hlaða inn artsteps appinu.
Sýningin endurspeglar vel einkunnarorð skólans: Frumkvæði – Sköpun – Áræði. Hún er á vefnum Artsteps sem er stafrænt sýningarrými. Þar má sjá verk úr myndlistaráföngum og ljósmyndaáföngum, íslensku og heimspeki.
Hlekkir eru á vefsíðunni sem veita aðgang að verkum nemenda úr ýmsum öðrum áföngum. Sýningin endurspeglar vel kraftmikið og skapandi starf á önninni.
Sýningarstjóri er Bergþór Morthens, myndlistarkennari. Aðstoðarmaður hans við uppsetninguna var Gísli Kristinsson, kerfisstjóri.
Forsíðumynd/skjáskot af sýningu
