Tveir sjómenn voru heiðraðir á Siglufirði í gær í tilefni af sjómannadeginum. Það voru þeir Kristján Elías Bjarnason og Sveinn Sveinsson sem komu ásamt eiginkonum sínum, Rögnu Hannesdóttur og Björgu S Sæby Friðriksdóttur, og tóku við viðurkenningunum. Trölli.is óskar þeim innilega til hamingju.
Einnig var lagður blómsveigur að minnisvarðanum um drukknaða og týnda sjómenn á Siglufirði, Anita Elefsen hélt ræðu og sungið var lagið Siglufjörður eftir Bjarka Árnason.
Nokkur mannfjöldi mætti á Rammatúnið í fallegu veðri til að vera viðstaddur athöfnina og var það Slysavarnadeildin Vörn sem stóð fyrir athöfninni.
Meðfylgjandi myndir tók Sveinn Snævar Þorsteinsson.
Hægt er að smella á myndirnar til að sjá þær stærri.
Nokkur mannfjöldi mætti á Rammatúnið 
Kristján Elías Bjarnason og Sveinn Sveinsson, hjá þeim standa eiginkonurnar Ragna Hannesdóttir og Björg S Sæby Friðriksdóttir 
Anita Elefsen hélt ræðu 
Slysavarnadeildin Vörn sá um athöfnina 
Fallegt sumarveður var á sjómannadaginn 
Sjá má að enn er töluverður snjór í fjöllum 
Sungið var lagið Siglufjörður eftir Bjarka Árnason
