Jón Dagur Þorsteinsson landsliðsmaður á við meiðsli að stríða og getur því ekki tekið þátt í komandi vináttuleikjum A landsliðs karla í Los Angeles í Bandaríkjunum.
Í hans stað hefur Siglfirðingurinn Bjarni Mark Antonsson verið kallaður inn í hópinn, en þetta er í fyrsta sinn sem hann er í hóp hjá A landsliði karla.
Ísland mætir Kanada á Championship Soccer Stadium 15. janúar og El Salvador á Dignity Health Sports Park fjórum dögum síðar, 19. janúar.
Á MBL segir að Bjarni Mark Antonsson, miðjumaður sænska knattspyrnuliðsins Brage, hefur verið kallaður inn í A-landsliðshóp Íslands fyrir vináttuleikina gegn Kanada og El Salvador 15. og 19. janúar.
Á MBL segir að Bjarni sé 24 ára gamall miðjumaður sænska knattspyrnuliðsins Brage, hann getur þar með leikið sína fyrstu landsleiki en hann spilaði aldrei fyrir yngri landslið Íslands. Bjarni var í lykilhlutverki hjá Brage á síðasta ári þegar liðið endaði í þriðja sæti sænsku B-deildarinnar en tapaði umspilsleikjum um úrvalsdeildarsæti. Hann er annars KA-maður og spilaði alla 22 leiki KA í úrvalsdeildinni 2018 en hafði næstu tvö ár á undan spilað með Kristianstad í C-deildinni sænsku.
Þess má geta að Mark Duffield, faðir Bjarna, varð á sínum tíma fyrsti leikmaðurinn til að spila 400 deildaleiki með íslenskum liðum og hann lék einn A-landsleik fyrir Íslands hönd á sínum tíma, auk þess að spila með 21-árs landsliðinu.
Mynd: Mynd: Fótbolti.net – Sævar Geir Sigurjónsson
