Notkun tækja sem innihalda liþíum rafhlöður verður sífellt algengari. Óhætt er að fullyrða að á flestum ef ekki öllum heimilum er að finna tæki sem innihalda slíkar rafhlöður.

Algeng tæki sem innihalda liþíum rafhlöður

  • Símar
  • Spjaldtölvur
  • Rafhlaupahjól
  • Rafrettur
  • Rafmagnsverkfæri
  • Snjallúr

Um liþ­í­um jóna raf­hlöð­ur (Li-ion). 

Kostir: 

  • Auðvelt að hlaða við lágan straum  
  • Eru léttar og geyma mikla orku 
  • Halda orku mjög vel 
  • Þola margar hleðslur og afhleðslur 
  • Þarf ekki að afhlaða alveg fyrir hleðslu 

Ókostir: 

  • Eru viðkvæmar fyrir höggum 
  • Eru viðkvæmar fyrir frosti og háum hita 
  • Þurfa vandaða rafrás til að stýra straumi og spennu
  • Geta gefið frá sér brennanlegar lofttegundir 
  • Geta brunnið og jafnvel sprungið, t.d. vegna skammhlaups í rafrás 
  • Getur verið erfitt að slökkva eld í þeim  

Nokkur ráð um hleðslu tækja með liþíum rafhlöður 

  • Ekki hlaða þegar allir eru sofandi eða enginn til staðar 
  • Notið hleðslubúnað sem fylgir tækjunum eða er sérstaklega ætlaður þeim 
  • Látið rafhlöðuna og hleðslutækið vera á flötu óbrennanlegu undirlagi 
  • Passið að ekki séu brennanleg efni nálægt 
  • Breiðið ekki yfir hleðslubúnaðinn eða rafhlöðuna
  • Hlaðið í rými þar sem reykskynjari er til staðar
  • Hafið rafhlöðuna ekki í frosti eða miklum hita við hleðslu
  • Hlaðið aldrei skemmda rafhlöðu  

Skemmdir á liþíumrafhlöðum geta valdið eldsvoða jafnvel þó þær sé ekki í hleðslu. Skiptið án tafar út skemmdum rafhlöðum. 

Mynd og heimild/ HMS