Slysavarnadeildin Vörn á Siglufirði stóð fyrir minningarathöfn um fórnarlömb umferðarslysa í samstarfi við viðbragðsaðila í Fjallabyggð í gær, sunnudaginn 19. nóvember.
Minningarathöfnin fór fram við kirkjutröppurnar fyrir neðan Siglufjarðarkirkju og var fjöldi manns viðstaddur athöfnina.
Séra Stefanía Steinsdóttir talaði og var þeirra sem látist hafa í umferðinni minnst með einnar mínútu þögn.
Boðið var upp á heitt kakó og piparkökur í boði Kjörbúðarinnar að athöfn lokinni.
Alþjóðlegur minningardagur um fórnarlömb umferðarslysa
Myndir: Guðný Kristinsdóttir
