Í gær afhenti Sævar Guðmundsson forstöðumanni Iðju hæfingu, Guðrúnu Ösp Hallsdóttur, andvirði málverksins sem hann, ásamt Herdísi Sæmundardóttur, sviðsstjóra fjölskyldusviðs Skagafjarðar bauð upp á atvinnulífssýningunni á dögunum.
Eins og mörgum er kunnugt er Iðja hæfing vinnustaður þar sem fólk með fötlun vinnur að fjölbreyttum verkefnum og er staðsett við Sæmundarhlíð á Sauðárkróki.
Gaman er að segja frá því að fimm skagfirsk fyrirtæki hafa keypt málverk sem gestir atvinnulífssýningar hafa málað.
Allur ágóði af málverkunum hefur runnið til Iðju.
Myndir/af vefsíðu Skagafjarðar
