Dagana 16. – 20. maí næstkomandi fer fram nýsköpunarkeppnin Norðansprotinn þar sem leitað er eftir nýsköpunarhugmyndum á sviði matar, vatns og orku.

Keppnin er haldin af Norðanátt sem eru regnhlífarsamtök nýsköpunar á Norðurlandi og byggir á hringrás árlegra viðburða þar sem frumkvöðlar fá tækifæri til að þróa hugmyndir sínar, vaxa og ná lengra.

Verðalaunin eru ekki af verri endanum, en sigurvegari keppninnar hlýtur titilinn Norðansprotinn 2022 ásamt 500.000 kr. í verðlaunafé.

Þú skráir þig til leiks með því að fylla út skráningarform hér fyrir miðnætti mánudaginn 16. maí. Það kostar ekkert að skrá sig.

Facebook viðburðurinn er hér.

Í kjölfarið færð þú tölvupóst með nánari upplýsingum m.a. upplýsingar um gerð og skil á einblöðungi sem lýsir hugmyndinni nánar. Skilafrestur á einblöðungi er til miðnættis, þriðjudaginn 17. maí.

Í framhaldinu fá 5-8 umsækjendur tækifæri til að kynna hugmyndina fyrir dómnefnd og gestum á lokaviðburðinum sem fer fram föstudaginn 20. maí kl 16:00-18:00 í Háskólanum á Akureyri.

Norðanátt leitar að áhugaverðum nýsköpunarhugmyndum á sviði matar, vatns og orku til að taka þátt í nýsköpunarkeppninni Norðansprotanum dagana 16.- 20. maí. Umsækjendur geta verið einir eða verið hluti af teymi sem langar til þess að leggja sitt af mörkum til þess að láta hugmyndina verða að veruleika. Skráningin er opin fyrir alla.

DAGSKRÁ
Nýsköpunarvikan 16. – 20. Maí

Mánudagur – Umsóknarfrestur rennur út á miðnætti
Þriðjudagur – Skil á einblöðungum
Miðvikudagur – Tilkynnt um 5-8 teymi sem fá tækifæri til að kynna á lokaviðburðinum
Fimmtudagur 11:30-12:30 – Pitch þjálfun á netinu
Föstudagur 11:30-12:30 – General prufa
Föstudagur 16:00-18:00 – Lokaviðburður, kynningar og verðlaunaafhending