Árlegi fótboltaleikurinn, starfsfólk á móti 7. bekk í Grunnskóla Fjallabyggðar fór fram miðvikudaginn 19.maí.
Á vefsíðu Grunnskóla Fjallabyggðar segir að þetta hafi verið erfiður leikur fyrir starfsmenn enda andstæðingarnir hörku spilarar.
Leikurinn endaði 1 – 0 fyrir starfsfólki, en það var hún Adda María sem skoraði í seinni hálfleik.
Birgitta Þorsteins átti dauðafæri sem hún klúðraði alveg algjörlega, Sunna Björg var ótrúlega öflug enda uppalin í boltanum.
Silla Gutta var valin leikmaður dagsins þar sem hún hélt hreinu marki, þrátt fyrir endalaus dauðafæri hjá 7. bekk.
Nemendur í 7. bekk stóðu sig ótrúlega vel og enginn slasaðist.
