Sunnudaginn 16. ágúst fór Siglfirðinga golfmótið 2020 fram á Akranesi, er þetta í tíunda sinn sem það er haldið.

84 keppendur mættu til leiks í rjómablíðu og allt að 17 stiga hita. Á Akranesi er fyrirmyndaraðstaða fyrir golfáhugafólk bæði mjög góður golfvöllur og glæsilegt nýlegt golfvallar hús.

Skilyrði fyrir þátttöku á mótinu er að vera Siglfirðingur að ætt og uppruna, vera giftur einum slíkum eða eiga önnur sterk tengsl við fjörðinn fagra.

Keppnisfyrirkomulag var punktakeppni og vegleg verðlaun að vanda voru veitt í karla- og kvennaflokki.


Aðalstyrktaraðilar varðandi verðlaunagjafir voru:

Sigló hótel – sem gaf gistingu fyrir tvo með morgunverði á hinu glæsilega og eftirsótta Sigló hóteli svo og golfhring

Primex – sem gaf hinar stórkostlegu og marg verðlaunuðu CitoCare snyrtivörur.

Siglufjarðarapótek sem gaf snyrtivörur.

Og mörg önnur fyrirtæki sem styrktu mótið á einn eða annan hátt.

Mótsstjórin þakkar þessum fyrirtækjum öllum fyrir veittan stuðning svo og þeim öðrum sem gáfu verðlaun og teiggjafir

Myndir/ af facebooksíðu Siglfirðinga golfs