Áætlað er að um 4000 manns hafi sótt Siglufjörð heim um verslunarmannahelgina. Hátíðin gekk einstaklega vel og segja forsvarsmenn hátíðarinnar að vel hafi tekist til að leggja góðan grunn að Síldarævintýrinu til framtíðar.

Rúmlega 50 viðburðir voru haldnir víða um bæinn,  þátttaka bæjarbúa var einnig mjög góð og húsin skreytt í hverfalitunum svo um munaði.

Flest skemmtiatriði og afþreying sem í boði var á Síldarævintýrinu voru í höndum heimamanna sem eru svo sannarlega einstaklega hæfileikaríkir.

Forsvarsmenn hátíðarinnar vilja koma á framfæri þakklæti til allra þeirra sem komu til Siglufjarðar, bæjarbúum fyrir frábærar undirtektir við þær nýjungar að skipta bænum upp í litahverfi og að taka þátt í götugrilli þar sem íbúarnir komu saman og áttu ánægjulega stund í upphafi hátíðarinnar.

Einnig vilja þeir þakka hinum fjölmörgu styrktaraðilum, þjónustuaðilum í bænum, söfnum og setrum. Með þeirra hjálp tókst að bjóða upp á glæsilega dagskrá.

Síðast en ekki síst skal geta hinna frábæru ungmenna úr ungliðadeild björgunarsveitarinnar Stráka, Smástráka, sem stóðu vaktina við hoppukastalana, buðu upp á kassaklifur og sig í klifurturninum og klifurveggnum og skreyttu börnin með andlitsmálningu. Þau fengu mikið hrós frá gestum hátíðarinnar fyrir einstaklega gott viðmót.

Hér að neðan eru svipmyndir sem fréttamenn Trölla tóku víðsvegar um bæinn á Síldarævintýrinu.

Sjá fleiri fréttir frá Síldarævintýri: HÉR

 

Gaman að vera ungur og leika sér

 

Strandsblaksmót

 

Fjör í Vídeóval

 

Börnin skemmtu sér vel

 

 

 

Haldið var golfmótið Siglo Golf Open sem tókst mjög vel, voru um 60 þátttakendur í því

 

Ánægð með vel heppnað golfmót

 

FM Trölli var um allan bæ með beinar útsendingar frá viðburðum

 

Þórarinn Hannesson að leggja af stað með gönguhóp um söguslóðir Ófærðar

 

Hér er hópurinn að virða fyrir sér eitt af þeim húsum sem notuð voru í þáttaröðinni

 

Um 4000 manns sóttu Siglufjörð heim um verslunarmannahelgina

 

Prjónakaffi var alla morgna í Hjarta bæjarins, tókst það einstaklega vel og verður því haldið áfram í vetur

 

Síldarævintýris gestur kom inn í Hjarta bæjarins með lopapeysu sem var götótt, hagleiks konurnar í prjónakaffi munaði ekki um að staga í gatið í réttum lit og fór þessi kona alsæl heim með peysuna sína

 

FM Trölli kom við í Saga Fotografica og ræddi við Baldvin Einarsson

 

Síðan var haldið í Segul 67 og rætt við Martein Haraldsson

 

Raffó bauð börnunum í reiðtúr á malarvellinum

 

Lítill kútur alsæll á hestbaki

 

Björgvin Árnason að taka púlsinn á mannlífinu

 

Gunnar Smári að ræða við Kristján Jóhannsson um sýningu hans í Söluturninum

 

Lifandi tónlist var fyrir gesti og gangandi

 

Flottasti Spiderman sem Tröllahjónin hafa séð, ræddi hann galvaskur við þau

 

Ýmis varningur var í boði

 

Mark Duffield sagði FM Trölla frá því að það hefði verið mjög rólegt hjá lögreglunni og hátíðin öll til sóma

 

Andlitsmálun og rann allur ágóði af henni til Smástráka

 

Grillað var fyrir utan Rauðku og var mjög góð sala í kjúklingaspjótum og grilluðum bönunum. Getur fréttamaður vottað að hafa aldrei fengið betri banana sem var með súkkulaði og rjóma, algjört lostæti. Bjarni og Frosti stóðu vaktina við grillið

 

Siggi og Ólöf með litla ömmu og afastelpu

 

Allskonar uppákomur voru við Síldarminjasafnið

 

Hér er verið að bjóða upp á allskonar síldarsmakk með rúgbrauði frá Aðalbakaríi

 

Síðan var skroppið til Frímúrara sem voru með opið hús og gestum boðið upp á veitingar. Hér er Steini Sveins að vaska upp, klæddur kjólfötum. Sjaldan sjást jafn prúðbúnir uppvaskarar

 

Þorgeir Bjarnason tók á móti gestum á efri hæðinni í Frímúrarahúsinu

 

Fornbílasýning, bjórleikar, grill og markaður var í Segli 67

 

Líkbíllin er til sölu ef einhvern vantar eðalkerru

 

Fallegt handverk var í boði á markaðnum

 

F-103 og F-16, fallegir bílar seim eiga langa sögu

 

Gestirnir dreifðust um allan bæ enda af nógu að taka

 

Hér sitja gestir úti í góða veðrinu

 

Það var ansi líflegt í Aðalbakarí yfir helgina

 

Daníel Pétur að syngja og spila fyrir gesti Síldarævintýris

 

 

 

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.