Innleiðing fjórða ílátsins við heimili
Allir íbúar Fjallabyggðar eiga nú að hafa fengið afhent fjórða ílátið fyrir úrgang þ.e. plast og flokka því í fjóra flokka við heimili, þ.e. almennt sorp, pappa og pappír, plast og lífrænan úrgang.
Búið er að setja viðeigandi merkingar á ílátin.
Grenndarstöðvar
Vinna er í gangi varðandi uppsetningu grenndarstöðva sem ætlunin er að setja upp á 5 stöðum í sveitarfélaginu. Á grenndarstöðvunum verður tekið á móti málmum, gleri og textíl. Íbúar geta nú losað sig við þessa úrgangsflokka á móttökustöðvum / gámaplönum en þar hafa verið sett upp sérstök ítlát fyrir þessar afurðir.
Garðaúrgangur
Búið er að setja upp opna gáma fyrir garðaúrgang við móttökustöðvar/gámaplön. Gámarnir eru staðsettir fyrir utan girðingar og eru því opnir allan sólarhringinn. Tekið skal fram að ekki er heimilt að setja annan úrgang en garðaúrgang í þessa gáma.
Útboð á sorphirðu, uppfærsla á samþykkt um sorphirðu og gjaldskrá.
Nú er í gangi vinna við útboðsgögn vegna sorphirðu í Fjallabyggð, en sveitarfélaginu ber að bjóða verkið út á Evrópska efnahagssvæðinu. Gert er ráð fyrir að verkið verði boðið út í sumar. Samhliða þessari vinnu er einnig unnið að uppfærslu á samþykktum og gjaldskrá.
