Listi Creditinfo um Framúrskarandi fyrirtæki á Íslandi var birtur nýverið, en í 11 ár hefur Creditinfo unnið greiningu á rekstri íslenskra fyrirtækja og veitt framúrskarandi fyrirtækjum viðurkenningu fyrir árangurinn. Framúrskarandi fyrirtæki byggja rekstur sinn á sterkum stoðum og efla hag fjárfesta og hluthafa. Það er því eftirsóknarvert að komast á lista Framúrskarandi fyrirtækja og njóta þannig aukins trausts. 

12 skagfirsk fyrirtæki eru meðal þessara fyrirtækja í ár:

  • FISK-Seafood
  • Friðrik Jónsson ehf.
  • Kaupfélag Skagfirðinga
  • Norðurtak ehf.
  • Ó.K. Gámaþjónusta-sorphirða ehf.
  • Raðhús ehf.
  • Spíra ehf.
  • Steinull hf.
  • Steypustöð Skagafjarðar ehf.
  • Tengill ehf.
  • Vinnuvélar Símonar ehf.
  • Vörumiðlun ehf.

Til þess að teljast framúrskarandi þurfa fyrirtækin að uppfylla ströng skilyrði sem eru listuð hér að neðan.

  • Fyrirtækið er í lánshæfisflokki 1-3
  • Ársreikningi skilað lögum samkvæmt eigi síðar en átta mánuðum eftir uppgjörsdag
  • Fyrirtækið er virkt samkvæmt skilgreiningu Creditinfo
  • Framkvæmdarstjóri skráður í fyrirtækjaskrá RSK
  • Rekstrartekjur að lágmarki 50 milljónir króna síðustu þrjú ár
  • Rekstrarhagnaður (EBIT > 0) síðustu þrjú ár
  • Jákvæð ársniðurstaða síðustu þrjú ár
  • Eiginfjárhlutfall a.m.k. 20% síðustu þrjú ár
  • Eignir að minnsta kosti 100 milljónir króna síðustu þrjú ár

Við óskum þessum fyrirtækjum til hamingju með glæsilegan árangur!

Heimild: www.creditinfo.is