Vikuna 30. ágúst til 3.september tekur Byggðasafnið á Reykjum þátt í Evrópsku menningarminjadögunum.
Áherslan er að kynna hverfandi menningararf og stuðla þannig að vitund og virðingu fyrir hefðum og kunnáttu sem brátt heyra sögunni til.
Fimmtudaginn 2. september kl: 17:00 verður dagskrá á Reykjum “Rekaviður-bátar og búsgögn” en þar verður sjónum beint að rekavið, nýtingu og vinnubrögðum og vægi hans í búháttum íslendinga um aldir.
Allir sem áhuga hafa eru hvattir til að koma og ekki síst nýir íbúar svæðisins.
Aðgangur er ókeypis. https://www.europeanheritagedays.com/…/Rekavidur-batar…
