Menntaskólinn á Tröllaskaga hefur tekið upp rafrænt skjalavörslukerfi og Þjóðskjalasafn hefur samþykkt það.

Þýðir þetta að öllum gögnum úr starfi skólans sem skylt er að halda til haga með þessum hætti má skila rafrænt. Með þessu uppfyllir skólinn lagalegar skyldur sínar. Jafnframt spara rafræn skil alla prentun á pappír.

Skólinn varðveitir gríðarlegt magn gagna á rafrænu formi en ef ekki er heimild til rafrænna skila þarf að prenta þetta allt út og skila til Þjóðskjalasafns á pappír. Nýja fyrirkomulagið sparar líka mikla vinnu og það kemur sér vel í fámennri stofnun.

Pappírinn sem Menntaskólinn á Tröllaskaga keypti fyrir skólastarfið haustið 2010 dugði fram á vorið 2019.

Forsíðumynd er af Jónu Vilhelmínu Héðinsdóttur aðstoðarskólastjóra, sem hefur sýnt harðfylgi í að koma upp rafrænu skjalavörslukerfi.

Ljósmyndari: Gísli Kristinsson

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.