Páskarnir nálgast óðfluga og ljóst er að Fjallabyggð verður líflegur vettvangur fjölbreyttrar afþreyingar á komandi dögum. Bæði íbúar og gestir geta hlakkað til ríkulegrar dagskrár þar sem útivist, menning, íþróttir og skemmtanir fléttast saman í sannkallaða páskastemningu.
Dagskráin spannar allt frá viðburðum fyrir yngstu kynslóðina til tónlistar, íþróttaviðburða og samveru fyrir alla aldurshópa. Skíðasvæðin í Skarðsdal og Ólafsfirði verða opin með lifandi tónlist og fjölmargt verður um að vera í íþróttamiðstöðvum sveitarfélagsins. Þá verða einnig sýningar, tónleikar og viðburðir víðs vegar um byggðina, þar sem meðal annars má nefna páskaeggjaleit, bingó, pílumót og lifandi tónlist.
Smellið á mynd til að stækka
Á föstudeginum langa og yfir helgina tekur dagskráin enn frekar við sér, með fjölbreyttum viðburðum bæði á Siglufirði og í Ólafsfirði. Páskadagur verður engin undantekning, þar sem bæði kirkjustarf, tónlist og opnir viðburðir setja svip á daginn, auk þess sem veitingastaðir og kaffihús bjóða gesti velkomna.
Vídeó
Fjallabyggð hefur sett saman glæsilegt myndband í tilefni páskanna sem dregur fram skíðaparadísina í Skarðsdal.
Hvar er opið um páskana?
Samhliða viðburðunum hafa verið birtir opnunartímar stofnana, safna, verslana og veitingastaða yfir páskana á vef sveitarfélagsins Fjallabyggd.is. Þar má sjá að þjónusta verður víðast hvar með breyttu sniði, en þó er víða opið og fjölmargir staðir taka á móti gestum með fjölbreyttu framboði.
Með þessari fjölbreyttu dagskrá er ljóst að Fjallabyggð býður upp á eitthvað fyrir alla um páskana, hvort sem fólk kýs að njóta útiveru, menningar eða góðrar samveru.
Myndir: fjallabyggd.is / Drónamynd: Magnús G. Ólafsson / Smári – Trölli.is
