Rússneska kvikmyndavikan á Íslandi fer nú fram í sjöunda sinn.

Að henni standa Kvikmyndaframleiðslumiðstöðin NORFEST og sendiráð Rússlands á Íslandi með stuðningi Menningarmálaráðuneytis Rússlands og iCan ehf. Í ár er viðburðurinn tileinkaður 75 ára afmæli stjórnmálasambands Rússlands og Íslands.

Á morgun, föstudagskvöldið 20. september verða sýndar tvær kvikmyndir í Gránu, bræðsluhúsi Síldarminjasafnsins. Sýningin hefst kl. 20:00.

Fyrst verður sýnd ein fyrsta sovéska heimildamyndin um Ísland. Myndin heitir Íslandsferðin og er frá árinu 1955. Í tilefni hátíðarinnar var myndin textuð og fylgir henni því íslenskur texti.

Næst verður sýnt kvikmyndin Hamingjan er… eða Happiness is… en myndin er afrakstur verkefnis á vegum Walt Disney. Efnt var til samkeppni meðal rússneskra kvikmyndagerðarmanna og hæfustu leikstjórarnir og handritshöfundarnir verðlaunaðir með tækifæri til að framleiða sína fyrstu kvikmynd.

Myndin kom út á þessu ári, 2019, og fjallar um hamingjuna. Myndin er á rússnesku en með enskum texta. Hér má sjá sýnishorn: youtube.com/watch?v=WTXPXMJEUYI

Ókeypis aðgangur og allir velkomnir!

Aðsent, myndir: Síldarminjasafnið

Umsagnir eru á ábyrgð þess sem ritar - Trölli áskilur sér rétt til að eyða óviðeigandi ummælum.