Golfklúbbur Siglufjarðar bauð Golfklúbbi Fjallabyggðar til fyrsta sameiginlega mótsins á milli klúbbana þann 30. júní síðastliðinn.
36 keppendur úr klúbbunum tveimur skráðu sig til leiks og voru leiknar 9 holur. Keppt var í karla og kvenna flokki með forgjöf og síðan stelpur á móti strákum.
Strákarnir höfðu betur í þetta sinn en stelpurnar hyggja á hefndir þegar Golfklúbbur Siglufjarðar heimsækir Golfklúbb Fjallabyggðar á Skeggjabrekkuvöll í Ólafsfirði eftir tæpan mánuð.
Mótið á hinum glæsilega Siglógolf velli gekk frábærlega, veður með allra besta móti og allir skemmtu sér hið besta. Boðið var upp á léttar veitingar í mótslok.
![](https://trolli.is/wp-content/uploads/2022/07/291453989_5221233054660105_5505973351467112755_n-1024x768.jpeg)
Myndir/ GKS
Heimild/Frétta- og fræðslusíða UÍF